News

News

 

Do sind immer di neuste News dinne för di gsträsste unter üs Schleimiga, wo nu churz zit händ zum inaluege.

Mountain-Boarden 18.04

D'Iiladig för s'Mountainboarding isch online!!!! Mör freued üs uf en lässiga Anlass wo hoffentlich alli mitfahred und nöd da Schwanz izüched!!!
Fasancht 2010

Juhuuuii üsi Liablings-Johresziit hät agfange... Mer sind scho a paarmol gsi.... und hönd drum scho a paar Föteli zum uf d Homepage tua. I wünsch allne ganz viel Spass a da Fasnacht
Kampfsauetag gwunna hönd wia erwartet, dia wo am längste umaghocket sind... Karin Meister und Claudia Pfundner!!! Yeehaaa
Am 5. Dezember isch da Klaushöck, nöcheri Infos chömeter über...
Bitte d Sünde ufschriebe nöd vergässa...
Am 22. November findet de Kampfsauetag statt... dradänke fit und nüchtern atrabe :-)
Di nögschte zwei Aläss nöd vergässa!!!
Böötla am 19. Juli, d Martina chunnt denn hei, mer chönd aso nocham Böötla bi da Familie Thür verbi, da Keller seg no so voll!!!

Klettere/Rodle/Appezeller besichtige am 19. September!


Fotos und Kurzprotokoll online!!!

Sali Schnägge. D'HV isch scho wider verbi und mer lueged ame spannende Schnäggejohr entgega. D'Föteli vom Obig und s'Kurzprotokoll sind bereits online. S'ganze Protokoll wird via email ida nögste Ziit versendet. Bitte vergässet nöd zum euri Aläss organisiere. lg eure Aktuar
SALI SCHNÄGGE

Endlich isch es sowit. Di 5.Johresziit isch agange. Di einte händ scho eis, zwei Mol vorkostet. Etz gohts aber richtig los. D'Date sind im Johresprogramm. Wär Lust hät irgendwo mitzumcho weiss sicher bi wäm mälde. Mer freued üs uf e lässigi Fasnachtsziit. Schlimigi Grüess vom Vorstand.

WIE IMMER SIND D'FÖTELI SO SCHNELL WIE MÖGLICH AMEL ONLINE! ALSO IMMER MOL WIDER INELUEGE UND CHRÄFTIG GÄSTEBUECHITRÄG SCHRIBA!!!
Schlittelplausch in Fideris

Schleimigs Schnäggagrüppli. Im neue Johr stoht scho wider da nögsti Alass vor da Türe. Es git en lässige Schlittelplausch. D'Iladig isch im Johresprogramm. Uf en lässige, lustige und hoffentlich unfallfreie Tag.

Und denn liebi Schnägge chunnt di 5 Johresziit. Tönd eu d'Fasnacht ROT im Kalender astricha damit mer mänga lustiga Festli chönd zäma fiire!!!
Super Klausobig!!! Fotos online!!!

Sali Schnägge. Wie er sicher scho gseh händ sind d'Fotos und d'Sünde vom Klausobig online. Tönd euri Ufgob zum eure zueteilte Schnägg beobachte wohrneh damit  mer nögst Johr bim Chlaus au vill zum lache händ :-). Danke nomel da Organisatore. Isch mega lässig gsi.
OLMA 08

D'Olma 08 isch leider au scho wieder verbi. Aber mer händ en schöne, glungene, schlimiga Tag mitenand verbrocht. D'Fotene sind notürlich au scho online. Da Corinne eri Fotene sind leider ab da Moststube nümme zum aluege. Au vom aschlüssende Rösslibarufenthalt gits kei Bewiismaterial. Jo nu. Nögst mol nimm i denn da ander Fotiapparat wider mit. Lg an alli Schnägge und bis bald am Klaushock.
KLAUSHÖCK

Da Klaushöck findet am am 13. Dezember statt. Näheres findet ihr bim Programm
KAMPFSAUETAG

Da Kampfsauetag isch verbi... d Kampfsaue för dasjohr sind Nadl und Sändi *Applaus*!
Danke allne för dä super Isatz a dem ach so stränge Tägli :-) vorallem da Jasi, nochma Polterobet und wenig schlof no soviel Isatz zeige :-)
D Fotene sind ab jetzt online

NEWS KAMPFSAUETAG


Hallo Mädels

Am Sonntag, 31. August findet die dritte Ausführung von unserem berüchtigten Kampfsauetag statt. Wir treffen uns um 10 Uhr morgens bei Conny Pfundner zum Brunch. Da es selbstverständlich zwischendurch auch was zum trinken gibt und es ja ein sportlicher Anlass ist, gehen wir mit dem Velo „uf Wäg". Wir werden folgende Disziplinen durchführen:

Badminton, Indiaka, Dart, PingPong, Kegeln, Minigolf, Tschüttele und Luftbillard.

So gegen 18.00 Uhr werden wir bei Conny Thür nachtessen.

Damit auch alle den Weg finden, treffen wir uns um 9.45 bei Nicole. Schnägge-Shirt / Jacke nicht vergessen!

Grüassli Claudia und Nadine


Kampfsauetag

 

Sali Schnägga. Da nögsti Alass isch ida Startlöcher. Da obligatorischi und alljöhrlich stattfindendi Kampfsauetag. Lueged no i euem Mail no. S'Programm finded er bi Glägaheit im Johresprogramm. Bis denn e gueti Ziit.

Fotos Bootstour online!

 

Sali Nachtschnägge. Di erste Bilder vo da Kanalbootstour sin bereits online.Si sind im Fotoalbum unter Böötle!!!!! Wär no meh Bilder hät törf mer die gärn maile denn tueni di au no druf. Mer bedanke üs no herzlich bim Petrus för da geniale Wetter womer kha händ. Bi da Organisatore Hoggi und Jasi. Und bi da Köch wo üs das Johr mit Kueche und Salat verwöhnt händ Höögli und Sändi. Es isch en super Tag gsi und wie immer en geniale Schnäggeusflug. Me freued üs bereits uf da nögsti.

Böötle uf em Binnekanal

 

So Schnägga. Es goht los. Nochere interessante HV 08 stoht da ersti Alass uf üsem Programm. Endlich. Lueged no im Jahresprogramm isch d'Iladig dinne. Bis denn. Schliimigi Ziit.

Schnägga HV 08
 
Sali schnägga. Mer händ en super schöne schnäggasunntig törfe erleba. D'Föteli sind scho zum aluege im Fotoalbum.und scho bald stoht üseri HV 08 vor da Tür. Also bitte tönd eu guet vorbereite. Mer freued üs uf vili gueti Idee und notürlich en gmüetlich schliimiga Schnäggaobig mit eu allne. D'Iladig isch i unter HV 08 zum finde.

1.Schnäggensonntag

 

Leider leider isch d'Fasnacht wieder verbi und mer gönd in Truurziit. Damit die das Johr aber nöd so lang ahebet hämmer üs zum Schluss vom 2. Schnäggajohr no öpis ifalle loh. lönd eu überrasche und reserviered eu da Sunntig 2. März. Details finded er unter Schnäggejohr 08. Bis denn e gueti Truurziit. Schliimigi Grüessli Nadl und Höögli

Fasanacht 08 isch in da Startlöcher

 

Sali Schnägge. Bald isch es endlich wider sowit. D'Fasnacht 08 stoht vor da Türe. D'Kostüm sind zum Glück scho bald mol fertig. Do hämmer eu no di wichtigste Termine. Rot im Kalender astriche.

04.01. / 05.01      Dekoeröffnungsbeizetour

18.01. / 19.01      Urknall / Räbiball

26.01.      Cliquenball

31.01. Ultimativer Maskenball in Lüchingen

01.02. - 05.02     Altstätter Fasnacht

Also in däm Fall bis döt ane no alles Gueti und vor allem en schliimige Rutsch ins neue Johr.

 

Skitag in Arosa
 
Sali Schnägge! Mir hönd gseit, mir machen im März en Skitag in Arosa. Damit au soviel Schnägge wia möglich mitkönnd, wärs super, wenn ihr mir könntet säga, wella Samstig bzw. Sunntig eu am beschta gängt. Denn kömmer am Alpöhi au gnuag früah Bscheid gea, wemmer kömmit. Falls no jemand a Idee ibringe will, eifach mälde. Schleimigi grüassli clau

Eröffnung "Rösslibar" am 04.10.2007

 

Sali liebi schnaegge. Am Fritig 28.09. törfed alli wo Ziit händ üsem Kipfeli id Bar go hälfa putze. Start isch so vill i weiss am 16.30 Uhr. Also schwinged da Bäsa damit nocher zur Eröffnig au alles suber isch.

Zum Dank törfed er denn deför an da VIP-Eröffnig vom Donnstig 04.10. teilneh. S'Kipfeli hät üs alli zu dem super Alass iglade. Danke vill vill mol.

Kampfsauetag 11. August 2007
 
Üsa Kampfsauetag isch astrengend gsi... Mit em Radl oder Auto simmer zersch go Kegla, denn ab in Schlüssal go darte und tschüttele. Danoch isch üs no di glorrich Idee ko zum zu da Conny in Lade zgo, wommer denn au chli verhöcklet sind. Aber au döt hömmer a Disziplin  anabrocht "itschi need some queue". Danoch hömmer am Bieregg und am Frauehof no a Bsüachli abgstattet, bis mer nochene no zum Max üsi letschta zwei Disziplina go macha sind. Luftbillard und Find it, wahnsinnigi Pfiffe simmer alli zäma i Find it gsi :-) Schlussendli simmer no zu da Hoggi Pizza im Raclett-Ofa go ässa. Platz eis händ Corinne und Claudia, zwei Iris und Conny und drei Nadl und Nici... Bis nögscht Johr... uf an Neus...

SummerDays Festival 3.bis 4. August 2007
 
Do üsi zwei Mädels Nici und Iris dajohr 30gi wore sind bzw wörend, hömmer üs entschieder zum da zünftig am scho so lang beliabte Open-Air Tufertschwil bzw neu gseit SummerDays Festival zfiere. Dos üs jetzt jo scho jedas Johr verseicht hät, hoffemer doch mol uf a schö-wätter Open-Air. Am liabste Tag und Nacht 25 Grad. Do da Päsci au mitkunnt, mua au keini Angscht ha, dassi verdurstet :-)
Mädels, freu mi bis am denn...
 

Böötle uf em Binnekanal am 14.07.07

 

Sali Schnägga. Wie di meiste scho wüssed stoht üsere ersti Event fest. Und zwor findet dä am 14.07.07 um 11.00 Uhr statt. Bi schönem Wetter gömmer uf Montlingen wo d'Hoggi e Böötli gmietet hät und padled mit däm zerst uf Balgach id Tratthütte womer Brötle tönd. Denn gohts wiiter id Au wo Endstation isch. Bi schlechter Witterig findet an däm Tag da Kampfsauetag statt. Verschiebedatum vom Böötle/Kampfsauetag wär da 11.08.07. Bitte beidi Datum reserviere. D'Iladig för beidi Aläss gits denn no schriftlich. Bis denn schlimigi Grüess.

HV 07

Sali Schnägge. Uese HV isch scho verbi. Und d'Rhema au. Etz started mer hoffentlich ine Aktivitäten riichs neus Schnäggejohr. D'Fotene vo da Rhema hät üse Präsi scho uf d'Homepage tue. E churzes Protokoll über di wichtigste Pünkt vo da HV isch etz au druf. Also. Mer freued üs uf da nögste Alass. Bis denn blibed in Form. Schleimigi Zit wünscht eu da Vorstand.

EInladung HV 07

Damit dä grossi Alass niemert vergässt, hani erstmals e Iladig kreiiert. Er chömed si notürlich au alli no persönlich  öber. Aber för alli gwundriga chamer si au unter HV 07 go aluege. Also, markiered eu s'Datum und denn freuemer üs uf euers erschiene und uf en schlimig schöne Obig.
 

Truurziit
 
Leider leider leider isch d Fasnacht verbi. Aber glaub noch soviel fäschte und umahocke hömmer a chlini usziit verdient. Also erholend eu recht!

Endlich Fasnacht

 

Sali Schnägga. Die erst Schnäggafasnacht isch im Iizug. Im Johresprogramm 07 chönder di verschiedene Aläss go aluege. Mer freued üs uf zahlriichs erschiene, im neu Tenue notürlich, und notürlich uf jedi Mengi schliimiga Spass.

Pics
 
D Fasnachtsfotene wöret ab hüt vorzua im Fotoalbum under Fasnacht 2007 ufaglada. Hoff ihr hönd Spass dra und hönd immer a schööns lächle för Kamera parat...
Falls jemand an Vorschlag för an Katerbummel hät, bitte da Nadl oder mir säga.
Gruass Clau

Usserordentlichi Sitzig
 
Sali Schnäggene. Am Donnstig 5.10 findet bim Höögli dahai an usserordentlichi Sitzig statt. Themene vo däm Obig sind: Fasnachtskostüm, T-Shirts, Clublogo
Es startet am 20.00 Uhr bi da Höögli dahai. Es git au öpis chlises zum habere und notürlich au was zum schlucke. Bringed Ideen mit. Vor allem för s'Fasnachtskostüm und s'Logo. Notürlich sölls au en gmüetlicha und lustiga Obig si. Also nämed au gueti Luuna mit. Liabi Grüess vom Höögli

News 26.07.06
 
So d Fotene vor Fasnacht sind au dinna... und denn hani no e Gschichtli afange schriebe, nur häts jetzt all Error gea, zmitzt i mim künstlerische Erguss unterbrocha... Voll die Kacke... Hoff kanns denn no wiiter fortsetza...

Neui Iträg
 
Es hät wider mol es paar neui Iträg geh uf üsere super Homepage. För aregiga simmer immer froh. Also mäldad eu entwäder bim Präsi oder bim Höögli. Und schribid doch fliessig is Gästebuech da isch doch immer wieder schön.

1. Schnäggaevent
 
Pizza ässa bi da Hoggi am 28.07.2006 am 19.30 Uhr. Bringad Hunger mit.